Informámoslles que o día 16 de xaneiro de 2012 publicouse, no Diario Oficial de Galicia, a Resolución da Secretaría Xeral de Emigración pola que se convoca o programa Reencontros na Casa para residentes no exterior 2012.

O prazo de presentación de solicitudes remata o 16 de marzo de 2012

Este programa está destinado a emigrantes galegos con nacionalidade española, con 55 anos cumpridos, ou máis, que residan en América, leven polo menos os últimos 5 anos naturais sen participar en programas de viaxes desta secretaria xeral e teñan en Galicia familiares de ata o cuarto grao de consanguinidade ou afinidade cos que poidan residir durante a súa estancia aquí, podendo ser beneficiarios do programa tamén os seus cónxuxes, unión de feito ou relación análoga. Así mesmo, poderán ser solicitantes do programa “Reencontros na casa” os fillos de emigrantes galegos vinculados a algún
concello galego, con nacionalidade española, con 55 anos cumpridos, que residan en América, que podan valerse por si mesmos, e leven, polo menos, os últimos 5 anos naturais sen participar en programas de viaxes desta secretaría xeral e que teñan en Galicia familiares de ata o cuarto grao de consanguinidade ou afinidade cos que poidan residir durante a súa estancia aquí.

Este programa consiste na concesión de axudas do 60% do importe da pasaxe (que é do 80% no caso dos países nos que a base de cálculo para a Prestación Económica por Ancianidade non superou en 2011 os 2.600 € anuais e naqueles países nos que existan dificultades para acceder ás divisas necesarias devido a controis de troco de moeda poderá sufragarse o 80%, casos de Cuba e Venezuela), correndo co importe restante a cargo dos beneficiarios.

A viaxe realizarase entre o 18 e o 21 de xuño de 2012, iniciándose o reencontro familiar a súa chegada a Galicia. O tempo de estadía poderá ser de 15, 30, 60 ou 90 días aproximadamente. Os límites de ingresos económicos segundo países, son 2.descríbense na táboa que se atopa ao final da resolución de convocatoria.

O número de prazas convocadas é de 241 que irán acompañados dun máximo de 6
médicos/coordinadores. A súa distribución por países é a seguinte:

País                   PRAZAS

Arxentina           108
Brasil                   18
Cuba                    14
Uruguai                90
Venezuela              7
Outros países de América  4
TOTAL    241


Poderá descargar o texto completo e as solicitudes na páxina web desta secretaría xeral www.galiciaaberta.com.

Ademais infórmolle que está previsto que proximamente se publique o programa de viaxes “Reencontros na terra” que complementa ao anterior. Este programa desenvolverase, cara o mes de outubro e nel terán preferencia os beneficiarios das prestacións económicas por ancianidade que non participaran en edicións anteriores e cumpran o resto de requisitos.



Ramón Brigos Fernández
Subdirector xeral de Programas Sociais